پښتو، دري ژباړن.

د اداري اصلاحاتو او ملکي خدمتونو خپلواک کميسيون د کار اهل کار سپارلو په موخه، چې د افغانستان اسلامي جمهوري دولت د لوړو مخو د پلي کولو ښکارندويي کوي؛ د يوې بشپړې ملکي خدمتونو ادارې په جوړولو، د تېرو خبرتياوو د لړيو په څارنه کې دا دى دا ځل لاندنې بست، د غوره، ښو او وړو کسانو د ګومارنې په اساس د ازادې سيالۍ له لارې د رتب معاش د نوي سيسټم بیا اعلان ته سپاري:

ګڼه د بست عنوان د بست رتبه اړونده رياست د بستونو شمېر د خبرتيا پيل نېټه د خبرتيا پاى نېټه
١ پښتو، دري ژباړن ۳ د اطلاعاتو، عامه اړیکو او د ویاند ریاست ۱ ۲۱/۱۲/۱۳۹۷ ۲۹/۱۲/۱۳۹۷

په شرايطو برابر کسان هم نارينه او هم ښځينه، چې د افغانستان تابعيت ولري؛ کولى شي، چې له (۲۱/۱۲/۱۳۹۷) نېټې نه تر (۲۹\۱۲\١٣٩٧) پاى ته رسېدو پورې ځانګړي د غوښتنليکونو فورمې له (٣٠_٨) بجو څخه له ماسپښين نه وړاندې د کاري ساعت تر بشپړېدو پورې د اداري اصلاحاتو او ملکي خدمتونو خپلکواک کميسيون، د بشري سرچينو رياست، د ګومارنې له امريت، چې د دارالامان سناتوريم سړک ته نږدې شتون لري؛ تر لاسه کړي، يادې فورمې دې ډېرې کره ډکې او وروسته له ټولو غوښتل شويو سندونو سره د اړونده کړنلارې په اساس بېرته د ټاکنو(ګومارنې) امريت ته وسپاري او يا دې نوموړي (www.iarcsc.gov.af) ويب سايټ ته مراجعه وکړي.

د غوښتنې ځانګړې فورمې بايد تر لاسه او وروسته له کره ډکېدو دې له غوښتل شويو اسنادو سره د کړنلارې په اساس د سافټ په ډول(hr@iarcsc.gov.af) ايميل په پته په ټاکلې موده کې ولېږي.

له ټاکل شوې نېټې وروسته غوښتنليکونه نه اخيستل کېږي.

د ملکي خدمتونو د بستونو دندې

 

د بست ټولييز مالومات:

د بست خبرتيا شمېره:  
د دندې عنوان:  پښتو، دري ژباړن.
بست: (۳)
وزارت/یا اداره: د اداري اصلاحاتو او ملکي خدمتونو خپلواک کميسيون.
د بست ځاى: کابل
د بست شمېره: (۱)
رپوټ ورکول: د محتوا او نشرياتو امر ته.
رپوټ اخيستل: نه لري.
د بياکتنې نېټه: ۶/۸/۱۳۹۷

……………………………………………………………………………………………………………………………………

د دندې موخه:

د کميسيون په ټولنيزو پاڼو کې د غږيزو رسنيو، انځوريزو، چاپي، ويب سايټ له لارې د خپرېدو وړ له پښتو ژبې نه په دري ژباړې خپرول.  

…………………………………………………………………………………………………………………………………..

واکونه، دندې او مسؤليتونه:

  1. د امريت له پلان او غوښتل شوو موخو سره سم مياشتنى، درې مياشتنى او کلنى کاري پلان ترتيبول او جوړول.
  2. د رپوټونو، خبرونو او نورو مطالبو له دري ژبې نه په پښتو ژباړل او اپوټه(برعکس) يې د کميسيون په چاپي نشرياتي ويب سايټ، غږيزو برنامو، انځوريزو او ټولنيزو پاڼو کې يې خپرول.
  3. د ټولو متونو او پښتو مطالبو ترتيبول، سمول او سهي کول.
  4. د ادارې له اړتيا سره سم په پښتو ژبه رپوټونه، خبرونه او مطالب ليکل.
  5. د کميسيون په ټولنيزو پاڼو او ويب سايټ کې د محتوا د ټينګښت په برابرولو کې مرسته کول.
  6. د کميسيون په باره کې په رسنيو کې له نشرياتو څخه څارنه او کتنه او له اړونده امر سره ډېر زر د هغې شريکول.
  7. له خبريالانو، دولتي او خصوصي رسنيو سره اړيکې ساتل.
  8. له اړونده ادارې سره اړينې او مسلکي مشورې، د موخو د ټينګولو او کاري برنامو لپاره شريکول.
  9. له اړونده فعالیتونو او لاسته راوړنو څخه میاشتني، درې میاشتني او کلني رپوټونه ترتيبول او د اړتيا په وخت يې ذيصلاح مقاماتو وړاندې کول.
  10. د ټولو هغو دندو تر سره کول، چې د قانون، مقرراتو او د ادارې له موخو سره سم ورسپارل کېږي.

………………………………………………………………………………………………………………………………………

د ګومارنې شرايط(د زده کړې کچه او کاري تجربه):

غوښتونکي بايد لږ تر لږه د نوموړي بست، د ملکي خدمتونو د کارکوونکو قانون د (٧) او (٣٤) مادو په شرايطو برابر او معيارونه يې په لاندې ډول دي:

١: لږ تر لږه د زده کړې سند يې لېسانس او له ژورنالېزم، ادبيات(پښتو، دري) څانګې څخه فارغ او تر دې د زده کړو لوړې درجې ته لومړيتوب ورکول کېږي.

٢: د دندې اړونده(د ژباړې په برخه کې يې اخباري متونونه، مجلې، رپوټونه، راډيويي او ټلويزوني خبرونه او د نوموړي بست پورته ټول د دندې ياد شوي مسؤليتونه يې پر مخ وړي وي) د لېسانس لپاره لږ تر لږه دوه کلنه کاري تجربه.

٣: په رسمي ژبو(پښتو؛ یا دري) برلاسى او له انګليسي ژبې(ليکلو او ويلو) سره بلدتيا.

٤: د دندې اړونده کمپيوټري برمانو کې مهارت.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

د غوښتنلیک فورم